FLAŞ


Ağstafanın icra hakimiyyəti başçısı və müavini həbs edildi


http://a-r.az/uploads/test/80431249_293909174897147_6669056283280146432_n.png

Azərbaycanda sensasiya sayıla biləcək hadisə baş verib.

Bolge.info BakuPost-a istinadən xəbər verir ki, hüquq-mühafizə orqanları əməkdaşları rayon İcra Hakimiyyəti başçılarından birini həbs ediblər. Məlumatda bildirilir ki, icra başçısıyla yanaşı, onun müavini də saxlanılıb. 


Unikal.org isə həbs olunan şəxslərin Ağstafa rayonunun icra başçısı Nizaməddin Quliyev və müavini Ramiz Tatarov olduğunu yazıb.  

 

“Qafqazinfo”nun əldə etdiyi məlumata görə,  N.Quliyev dünən axşam saatlarında Dövlət Təhlükəsizlik Xidməti əməkdaşları tərəfindən rüşvət alarkən cinayət başında yaxalanıb.

 

Hazırda DTX-da saxlanılan başçının ətrafında axtarış və araşdırmalar davam etdirilir.

 

Gün ərzində hadisəylə bağlı rəsmi açıqlama veriləcək. 

 

Modern.az saytının məlumatına görə, Maliyyə Nazirliyi bir müddət öncə Nizaməddin Quliyevin fəaliyyəti dövründə korrupsiyaya yol verilib-verilmədiyini araşdırmağa başlayıb.

 

Bu barədə  Goranboy İcra Hakimiyyətinin İctimaiyyətlə əlaqələr şöbəsindən məlumat verilib.


“Maliyyə Nazirliyi tərəfindən sabiq icra başçısının fəaliyyət dövrü barədə müvafiq yoxlama işləri aparılıb. Lakin yoxlama zamanı koorrupsiya  və ya  digər  neqativ halların aşkar edildiyi barədə hələ ki rayon İcra Hakimiyyətinə heç bir rəsmi məlumat verilməyib”,- deyə İctimaiyyətlə əlaqələr şöbəsi bildirib.

Nizaməddin Quliyev 2009-2019-cu illərdə Goranboy rayon İcra Hakimiyyətinin başçısı vəzifəsində çalışıb.

Ölkə başçısının 5 aprel 2019-cu il tarixli sərəncamı ilə Goranboy rayon İcra Hakimiyyətinin başçısı vəzifəsindən azad edilən N.Quliyev Ağstafa rayon İcra Hakimiyyətinin başçısı təyin edilib.

 

Qeyd edək ki, N.Quliyevin oğlu Ramin Quliyev Nərimanov rayon Məhkəməsində hakim işləyir, digər oğlu isə Baş Prokurorluğun Korrupsiyaya Qarşı Mübarizə Baş İdarəsində vəzifə tutur.

N.Quliyev Yeni Azərbaycan Partiyasının üzvüdür.