FLAŞ


Göyçayda su kanalı dağıldı, kəndlər susuz qaldı


http://olke.az/uploads/1559836505/a93cdbca9853857e52d7185bcc244c11.jpg

Göyçayda beton su arxı dağılıb, iki kənd susuz qalıb.

Bolge.info APA-ya istinadən xəbər verir ki, rayonun Çərəkə kəndi ərazisindən keçən beton R-8 arxı dağıldığı üçün onun suyu hazırda Qazyan arxına tökülür.

Nəticədə Göyçayın Çərəkə və Ucarın Rəstəcə kəndlərində yaşayan əhali əkin sahələrini suvarmaq üçün çətinliklə üzləşiblər. Göyçay Suvarma Sistemləri İdarəsindən APA-nın yerli bürosuna verilən məlumata görə, mütəxəssislər dağılan arxa baxış keçirib. Sabah beton arxda təmir-bərpa işləri görüləcək və problem öz həllini tapacaq. Qeyd edilib ki, beton R-8 arxı Qazyan arxının bir qoludur. Göyçay və Ucarın 15-ə yaxın kəndini suvarma suyu ilə təmin edən bu iki arx bir neçə yerdə ayrılır və birləşir, hətta asma beton ötürücü vasitəsilə bir-birinin üzərindən keçir.

Hazırda digər kəndlər su ilə təmin olunur.