FLAŞ


"Bu imtahanlar şagirdlərin nəticələrini yaxşılaşdırmağa imkan verəcək”

- NAZİR


http://news.lent.az/upload/images/news/2016/september/14/big/dcf568629de9f9c5da70dd8ebad2de8e.jpg

“Qiymətləndirmə imtahanlarını daha aşağı siniflərdə keçirmək zəruri fənnlər üzrə şagirdlərin nəticələrini yaxşılaşdırmağa imkan verəcək”.

Lent.az-ın məlumatına görə, bunu təhsil naziri Mikayıl Cabbarov jurnalistlərə açıqlamasında deyib. Nazir bildirib ki, bu il ərzində qiymətləndirmə imtahanlarının daha aşağı siniflərdə keçirilməsi məsələsi Təhsil Nazirliyində müzakirə edilib: “Təhsil Nazirliyi tərəfindən Təhsil Problemləri İnstitutu qarşısında bu məsələ ilə bağlı vəzifə qoyulub. Hazırda bu istiqamətdə beynəlxalq təcrübə araşdırılır. Digər tərəfdən ötən tədris ilinin sonunda Dövlət İmtahan Mərkəzi ilə işçi səviyyədə bununla baǧlı müzakirələr aparılıb. Müzakirələrdə belə bir qiymətləndirmənin aparılması imkanlarının mövcud olması qənatinə gəlinib, amma biz bu tədris ili üçün bu qərarı vermirik. Belə həlledici qərarlar verilməmişdən öncə ekspertlər tərəfindən araşdırmalar aparılmalı, beynəlxalq təcrübənin öyrənilməsi başa çatdırılmalıdır”.